Nyinnflytta og nettlaus

 

Me har flytta på hybel i vårt eige hus og det er ganske storslagent. Ikkje å bu på hybel men å bu i eige hus... Her har me fått det ganske så triveleg sjølv om det nok har vore ein overgang å flytte inn att i mindre lokalitetar enn eit heilt hus. Rart kva ein vert van med. Eg har lenge planlagt å legge ut litt nye bilete både frå hybelen og frå romma oppe som etterkvart er byrja få både dukog maling på veggane. Soveromma er ganske snart ferdigmalte. Denne veka ventar me på tapetane som skal opp på veggen på soveromma. Her går ettermiddagane stort sett til sparkling, pussing og maling. Så me har nok å henge fingrane i. Me har forøvrig ikkje fått lagt inn nett heller, per no så surfar me på onkelen sitt nettverk med ein strek styrke. Dei kjem og ordnar det på fredag så då blir det truleg sving på sakene. Imens kan me kose oss over fine hortenisa, min favorittblome for tida:-)